ԱՄՆ նախագահ Դոնալդ Թրամփը հայտարարում է, որ կաջակցի Ռուսաստանի դեմ պատժամիջոցների վերաբերյալ երկկուսակցական օրինագծին։ Միևնույն ժամանակ, նա հույս ունի, որ Միացյալ Նահանգները «չպետք լինի այն օգտագործել»։

Ինչպես ԱՄՆ նախագահը նշել է Fox News-ին տված հարցազրույցում, պատժամիջոցների վերաբերյալ օրինագծի ընդունման հարցն ամբողջությամբ կախված է իրենից։ Դոնալդ Թրամփը նաև նշել է, որ Վաշինգտոնն արդեն «ուժեղ պատժամիջոցներ» է կիրառել Ռուսաստանի դեմ։

«Ես աջակցում եմ դրան։ Հուսով եմ, որ մենք չենք ստիպված լինի այն օգտագործել։ Գիտեք, մենք հիմա լուրջ պատժամիջոցներ ունենք Ռուսաստանի դեմ, Ռուսաստանի տնտեսությունը շատ վատ վիճակում է։ Բայց այն շատ ավելի մեծ է, քան Ուկրաինան։ Գիտեք, այն շատ ավելի մեծ և ուժեղ երկիր է», – ասել է Թրամփը։

Ավելի վաղ ԱՄՆ սենատոր Լինդսի Գրեհեմը հայտարարել էր, որ Թրամփը «կանաչ լույս» է տվել Ռուսաստանի դեմ պատժամիջոցների վերաբերյալ օրինագծին։ Նա ասել է, որ նոր պատժամիջոցները, որոնց վերաբերյալ Սենատը կարող է քվեարկել հաջորդ շաբաթ, ուղղված են Ռուսաստանի վրա ճնշում գործադրելուն՝ պատերազմը դադարեցնելու համար։

Օրինագիծը երկրորդական պատժամիջոցներ կսահմանի այնպիսի երկրների նկատմամբ, ինչպիսիք են Չինաստանը և Հնդկաստանը, որոնք նավթ և գազ են գնում Ռուսաստանից՝ Ռուսաստանի նախագահ Վլադիմիր Պուտինի ռազմական մեքենային ուղղված փողի հոսքը կտրելու նպատակով։ Մասնավորապես, պատժամիջոցները նախատեսում են 500% մաքսատուրք այն երկրների համար, որոնք կգնեն ռուսական էներգետիկ ռեսուրսներ, ուրան և որոշակի այլ ապրանքներ։