Հուսով եմ Իրանը արագ «կնստի բանակցությունների սեղանի շուրջ» և կստորագրի արդար և հավասար համաձայնագիր,- գրել է ԱՄՆ նախագահ Դոնալդ Թրամփը սոցիալական ցանցերում։

Նրա խոսքով՝ Իրանի համար ժամանակը սպառվում է բանակցությունների սեղանի շուրջ։

«Հսկայական նավատորմ է շարժվում դեպի Իրան։ Այն արագ շարժվում է մեծ ուժով, ոգևորությամբ և նպատակասլացությամբ։ Սա ավելի մեծ նավատորմ է, քան Վենեսուելա ուղարկվածը՝ «Աբրահամ Լինքոլն» ամենամեծ ավիակիրի գլխավորությամբ։

Ինչպես Վենեսուելայի դեպքում, այն պատրաստ է և ի վիճակի է արագ կատարել իր առաքելությունը, անհրաժեշտության դեպքում՝ ուժով։ Հուսով եմ՝ Իրանը արագ «կնստի բանակցությունների սեղանի շուրջ» և կստորագրի արդար և հավասար համաձայնագիր՝ առանց միջուկային զենքի, որը օգտակար կլինի բոլոր կողմերի համար։

Ժամանակը սպառվում է, սա իսկապես կարևոր է։ Ինչպես ես մի անգամ ասացի Իրանին, կնքեք գործարք։ Նրանք դա չարեցին, և իրականացվեց «Կեսգիշերային մուրճը», Իրանի նշանակալի ոչնչացումը։ Հաջորդ հարձակումը կլինի ավելի վատ։ Թույլ մի տվեք, որ դա կրկնվի», – գրել է Թրամփը։