Միխայիլ Սարջվելաձեն հանդիպել է ԱՀԿ-ի գլխավոր տնօրենի թեկնածու Հանս Կլյուգեին
Վրաստանի առողջապահության նախարար Միխայիլ Սարջվելաձեն հանդիպել է Առողջապահության համաշխարհային կազմակերպության (ԱՀԿ) գլխավոր տնօրենի թեկնածու Հանս Կլյուգեին։
Հանս Կլյուգեն տարիներ շարունակ զբաղեցրել է ԱՀԿ Եվրոպայի տարածաշրջանային տնօրենի պաշտոնը։ Ներկայումս նա Բելգիայի կողմից առաջադրված թեկնածու է ԱՀԿ-ի գլխավոր տնօրենի պաշտոնում։
Վրաստան կատարած այցի շրջանակներում Հանս Կլյուգեն նախարարին ներկայացրել է իր թեկնածությունն ու գործողությունների տեսլականը։ Նրա հայտարարությամբ՝ գործողությունների տեսլականում ներկայացված առաջնահերթությունները համընկնում են Վրաստանի ազգային առաջնահերթությունների հետ։ Նա հատկապես առանձնացրել է համընդհանուր առողջապահության ծրագրի զարգացումը, առաջնային առողջապահության ամրապնդումը և դեղագործական քաղաքականության ուղղությամբ ձեռնարկված քայլերը, որոնք ծառայում են դեղորայքի հասանելիության բարձրացմանն ու բնակչության գրպանից կատարվող ծախսերի կրճատմանը։
Ավելի վաղ Կոպենհագենում՝ Առողջապահության համաշխարհային կազմակերպության Եվրոպայի տարածաշրջանային կոմիտեի 76-րդ նստաշրջանի շրջանակներում, Միխայիլ Սարջվելաձեն հանդիպումներ է ունեցել նաև ԱՀԿ գլխավոր տնօրենի այլ թեկնածուների հետ։
ԱՀԿ գլխավոր տնօրենի պաշտոնում առաջադրված է յոթ պոտենցիալ թեկնածու։ Կազմակերպության գործադիր խորհուրդը 2027 թվականի հունվարին կընտրի առավելագույնը երեք թեկնածուի, իսկ վերջնական որոշումը անդամ երկրները կկայացնեն 2027 թվականի մայիսին՝ Առողջապահության համաշխարհային վեհաժողովի շրջանակներում։
Տեղեկությունը տարածում է Վրաստանի առողջապահության նախարարությունը։