Ապագայում սպասում եմ մեր երկրների միջև տնտեսական կապերի խորացման արդար առևտրի աջակցության և երկկողմ համագործակցության շրջանակների ընդլայնման միջոցով, – ասվում է Ամերիկայի Միացյալ Նահանգների նախագահ Դոնալդ Թրամփի շնորհավորական նամակում, որով Թրամփը շնորհավորում է Վրաստանի նախագահ Միխեիլ Քավելաշվիլիին Անկախության օրվա առթիվ։

Նամակում Թրամփը նշում է, որ իր վարչակազմը հավատարիմ է Վրաստանի կառավարության հետ խաղաղ և արդյունավետ հարաբերությունների ամրապնդմանը։

«Պարոն նախագահ, այսօր Վրաստանի անկախության 107-ամյակն է — շրջադարձային տարեթիվ վրաց ժողովրդի պայքարում ինքնիշխանության, անվտանգության և ազգային ինքնության համար, որը շարունակվել է սերունդների ընթացքում՝ ծանր դժվարությունների և մարտահրավերների պայմաններում։ Իմ վարչակազմը հավատարիմ է Վրաստանի կառավարության հետ խաղաղ և արդյունավետ հարաբերությունների ամրապնդմանը։ Ապագայում սպասում եմ մեր երկրների միջև տնտեսական կապերի խորացման արդար առևտրի աջակցության և երկկողմ համագործակցության շրջանակների ընդլայնման միջոցով։ Սրտանց շնորհավորում եմ վրաց ժողովրդին այս կարևոր տարեթվի կապակցությամբ, որը արտացոլում է երկրի նշանակալի և բազմազան պատմությունը», – ասվում է շնորհավորական նամակում, որը տարածել է Վրաստանի նախագահի մամուլի ծառայությունը։