Ռուսաստանը միշտ ուրախ է Մոսկվայում հյուրընկալել ԱՄՆ նախագահի Մերձավոր Արևելքի հարցերով հատուկ ներկայացուցիչ Սթիվ Վիտկոֆին,- ասել է Ռուսաստանի նախագահի մամուլի քարտուղար Դմիտրի Պեսկովը։

Կրեմլի խոսնակը չի բացառում Վլադիմիր Պուտինի և Սթիվ Վիտկոֆի միջև այս շաբաթ հանդիպման հնարավորությունը։

Պեսկովի խոսքով՝ Ռուսաստանը Սթիվ Վիտկոֆի հետ շփումները համարում է կարևոր, բովանդակալից և շատ օգտակար։

Ռուսաստանի նախագահի մամուլի քարտուղարը խոսել է նաև ԱՄՆ նախագահ Դոնալդ Թրամփի՝ Ռուսաստանի մերձակայք միջուկային սուզանավեր ուղարկելու որոշման մասին։ Պեսկովի խոսքով՝ միջուկային պատերազմում հաղթող չի կարող լինել։

Բացի այդ, ինչպես նշել է Պեսկովը, հաշվի առնելով ԱՄՆ նախագահի հայտարարությունները, Կրեմլը չի կարծում, որ տեղի է ունենում որևէ սրացում։