Խորհրդարանի Եվրոպային ինտեգրման հանձնաժողովի նախագահ, Մակա Բոճորիշվիլին հայտարարում է, որ Եվրախորհրդարանի նախագահ Դեյվիդ Սասոլին լիովին աջակցել է, ինչպես Վրաստանի եվրաինտեգրման գործընթացին, այնպես էլ քաղաքական կուսակցությունների միջև երկխոսությանը:

«Մենք շատ լավ հանդիպում ենք ունեցել Եվրախորհրդարանի նախագահի հետ: Նա լիովին աջակցեց Վրաստանին եվրաինտեգրման գործընթացում, ինչպես նաև քաղաքական կուսակցությունների միջև երկխոսությանը: Նա պատրաստ է, որպեսզի Եվրախորհրդարանը կրկին ակտիվորեն ներգրավվի և ունենանք առավելագույն աջակցություն:

Խորհրդարանի նախագահը խնդրել է դիտորդներ ուղարկել ընտրություններին և դա կապված կլինի համավարակի պատճառած սահմանափակումների հետ: Հավանաբար հնարավոր կլինի դիտորդներ ուղարկել և նրանց ընդունել Վրաստանում:

Ուրախալի է, որ Սասոլին մեծ հետաքրքրություն հայտնեց այցելել Վրաստան: Խորհրդարանի նախագահը նրան հրավիրեց Վրաստան, և այս այցը կկայանա», – հայտարարել է Մակա Բոճորիշվիլին: