Իսպանիան աջակցում է մեզ բոլոր միջազգային ձևաչափերում, որտեղ քննարկվում է Վրաստանի հարցը, ինչպես անվտանգության, օկուպացված տարածքների, այնպես էլ եվրոպական և եվրատլանտյան ինտեգրման տեսանկյունից, – ասաց Վրաստանի արտգործնախարար Դավիթ Զալկալիանին Իսպանիա կատարած այցի ժամանակ, վարչապետ Իրակլի Ղարիբաշվիլիի և Իսպանիայի Թագավորության պատգամավորների Կոնգրեսի խոսնակ Մերիչել Բատետի հետ հանդիպելուց հետո:

Դավիթ Զալկալիանիի խոսքով, զրույցի ընթացքում քննարկվել են երկկողմ հարաբերությունների կարևոր ոլորտները, ինչպես նաև Իսպանիայի և Վրաստանի հաջող համագործակցությունը միջազգային խորհրդարանական կազմակերպությունների շրջանակներում:

«Շատ կարևոր է, որ Իսպանիայի հետ, որի հետ մենք շատ արդյունավետ համագործակցություն ունենք, երկկողմ բոլոր ուղղություններով, մենք նաև խորացնենք մեր գործունեությունը միջխորհրդարանական մակարդակում և հետագա խոստումնալից քայլեր ձեռնարկենք խորհրդարանական դիվանագիտության առումով: Այս առումով շատ լավ հեռանկարներ կան: Իսպանիան աջակցում է մեզ բոլոր խորհրդարանական վեհաժողովներում, որտեղ քննարկվում է Վրաստանի հարցը՝ ինչպես անվտանգության, օկուպացված տարածքների, այնպես էլ եվրոպական և եվրատլանտյան ինտեգրման տեսանկյունից:

Բացի այդ, Եվրախորհրդարանում Իսպանիայի ներկայացուցիչները Վրաստանի հստակ, լուրջ աջակիցներից են: Բնականաբար, զրույցը կենտրոնացավ տարածաշրջանում մեր դերի և այն մասին, թե ինչ քայլեր կարելի է ձեռնարկել հետագայում՝ ինչպես տնտեսական հարաբերությունների սերտացման, այնպես էլ ժողովրդամիջյան և մշակութային հարաբերությունների ընդլայնման առումով:

Կարծում եմ, որ շատ օգտակար էր, և մենք հաստատ կտեսնենք այս հանդիպման արդյունքները ապագայում, երբ գործնական քայլեր ձեռնարկվեն», – ասաց Դավիթ Զալկալիանին: