Կարևոր է հասկանալ, թե ինչ տեսանկյունից է ԱՄՆ-ում տեղի ունենում «ՖԱՐԱ»-ի խստացումը, քանի որ այդ տեսանկյունից հետաքրքիր կլինի կատարելագործել նաև վրացական օրենսդրությունը, – այս մասին հայտարարել է խորհրդարանական մեծամասնության անդամ Դավիթ Մաթիքաշվիլին։

Նրա խոսքով՝ կան վիրտուալ իրականություն ստեղծելու փորձեր, որտեղ Վրաստանը և վրացի ժողովուրդը ներկայացվում են որպես թույլ օղակ։

«Սա լիակատար աբսուրդի թատրոն է։ Այն, ինչը լավ է ԱՄՆ-ում, լավ է նաև Վրաստանի համար։ Այն, ինչը, ընդհանուր առմամբ, լավ է ժողովրդավարության համար, օգտակար է նաև վրացական ժողովրդավարության համար։ Մենք տեսնում ենք, որ կոնկրետ կոնգրեսականներ, ԵՄ դեսպանը և այս հարցով հետաքրքրված այլ անձինք քննադատում են Վրաստանում ընդունված ամերիկյան օրենքի անալոգը։ Նույն այդ անձինք, օրինակ՝ ԱՄՆ օրենսդիր մարմնի ներկայացուցիչները, այնտեղ գործող օրենքի խստացում են պահանջում։ Մեզ համար կարևոր է հասկանալ, թե ինչ տեսանկյունից է ԱՄՆ-ում կատարվում այդ խստացումը, քանի որ այդ տեսանկյունից հետաքրքիր կլինի նաև կատարելագործել վրացական օրենսդրությունը։ Տեսնենք՝ այս գործընթացն ինչ արդյունքի կհասցնի։

Երբ Հերչինսկին քննադատում է վրացական «ՖԱՐԱ» օրենսդրությունը, հետաքրքիր է՝ ինչու չի քննադատում ամերիկյան «ՖԱՐԱ» օրենսդրությունը։ Եթե Ամերիկայի և Եվրոպական միության օրենսդրությունները համահունչ են և ԱՄՆ-ն ու ԵՄ-ն շատ ակտիվ համագործակցում են, ապա ինչու է վրացական «ՖԱՐԱ» օրենսդրությունը համարվում անհամապատասխան ԵՄ օրենսդրությանը։ Ակնհայտ է, որ սա աբսուրդ է։ Սրանք մատից ծծած պատճառաբանություններ են և ևս մեկ անգամ ակնհայտ փորձ՝ ստեղծելու մի վիրտուալ իրականություն, որտեղ Վրաստանը և վրացի ժողովուրդը ներկայացվում են որպես թույլ օղակ։ Ճիշտ է, մենք դա չենք կարող ընդունել», – հայտարարել է Մաթիկաշվիլին։