Վրաստանի դատախազությունը մեղադրանք է առաջադրել երկու անձի՝ խմբակային դիտավորյալ սպանության, կողոպուտի, ազատությունից ապօրինի զրկելու և հրազեն ապօրինի գնելու, պահելու և կրելու փաստերով։

«ՆԳՆ-ի կողմից իրականացված հետաքննությամբ պարզվել է, որ հունվարի 5-ին ամբաստանյալները Զուգդիդիից Մեստիա ճանապարհին հարձակվել են օտարերկրյա երկու քաղաքացիների վրա և խլել նրանց բջջային հեռախոսները։ Հանցագործությունը կոծկելու համար ամբաստանյալները խմբով սպանել են տուժողներից մեկին։ Դրանից հետո երկրորդ տուժողին դանակով ու հրազենով սպառնացել են ու պահանջել բջջային հեռախոսներն ու առևանգել Մեստիայի շրջանի Նակրի գյուղի ուղղությամբ։

Ավելի ուշ ամբաստանյալները տուժողին բաց են թողել, իսկ հանցանքը կոծկելու համար սպանվածի դին նետել են գետն ու թաքնվել։

Երկու անձին էլ մեղադրանք է առաջադրվել Վրաստանի Քրեական օրենսգրքի 109-րդ հոդվածով (սպանության փորձ՝ ծանրացուցիչ հանգամանքներով), 179 հոդվածով (կողոպուտ, խմբակային), 143 հոդվածով և 236 հոդվածով (ապօրինի զենք-զինամթերք ձեռք բերելը, պահելը և կրելը): Հանցանքը նախատեսում է 16-ից 20 տարի ժամկետով կամ ցմահ ազատազրկում»,- ասված է դատախազության տեղեկատվության մեջ։

Դատախազությունից հայտնում են, որ գերատեսչությունը օրենքով սահմանված ժամկետում դիմելու է դատարան՝ մեղադրյալների նկատմամբ որպես խափանման միջոց կալանքը կասեցնելու համար։

Դատախազությունից հայտնում են, որ քրեական գործի քննությունը ՆԳՆ-ում շարունակվում է։