Ցանկանում եմ շնորհակալություն հայտնել այն բուժանձնակազմին, ովքեր 24 ժամվա ընթացքում կատարում են իրենց պարտականությունները և հոգ են տանում մեր քաղաքացիների առողջության համար»,- այս մասին միջգերատեսչական համակարգող խորհրդի նիստի ավարտին ասել է առողջապահության նախարար Էկատերինե Տիկարաձեն:

Առողջապահության նախարարի խոսքով, բոլոր երեք հիվանդները, ովքեր վարակվել են կորոնավարակով, իրենց լավ են զգում և բուժվում են:

«Այս պահին կարանտինում գտնվում է ավելի քան 100 մարդ: Միևնույն ժամանակ, մենք աշխատում ենք լրացուցիչ տարածքներ գտնելու վրա: Ընթացքի մեջ է նաև միջազգային գործընկերների հետ աշխատանքը: Այսօրվա դրությամբ երկրում համաճարակաբանությունը գոհացուցիչ է: Այս փուլում Վրաստանում համաճարակի տարածման ռիսկը ցածր է, և կոչ եմ անում բնակչությանը խուճապի չմատնվել», – ասել է Էկատերինե Տիկարաձեն:

Վարչապետի գլխավորությամբ կորոնավարակի կապակցությամբ գործող միջգերատեսչական համակարգող խորհրդի հերթական նիստը տեղի է ունեցել այսօր: