Բոլորս տեսանք վերջին օրերին Նինոծմինդայի մանկական գիշերօթիկ դպրոցում ձեռք բերված առաջընթացը, քննարկել ենք քայլեր, որպեսզի ապահովված լինի երեխաների բարեկեցությունը, – այս մասին Պատրիարքարանում կայացած հանդիպումից հետո, որին մասնակցել են Առողջապահության նախարար, Էկատերինե Տիկարաձեն և ՅՈՒՆԻՍԵՖ-ի ներկայացուցիչները, հայտարարել է Վրաստանում Եվրամիության դեսպան Կառլ Հարցելը:

Նրա խոսքով, հանդիպմանը քննարկվել են Նինոծմինդայի գիշերօթիկ դպրոցում ընթացող գործընթացները:

«Ես հենց նոր ներկա եմ եղել հանդիպմանը, որը Պատրիարքարանի, նախարարության և առողջապահության աշխատակիցների մասնակցությամբ մեր նախորդ հանդիպման շարունակությունն է, որին մասնակցել են նաև ՅՈՒՆԻՍԵՖ-ը և Վորլդ Վիժնը: Առաջին հերթին մենք քննարկեցինք Նինոծմինդայում ստեղծված իրավիճակը: Կարծում եմ, մենք բոլորս տեսել ենք վերջին օրերի ընթացքում գրանցված առաջընթացը, նկատի ունեմ Նինոծմինդայի գիշերօթիկ դպրոցի երեխաների մեծ մասի տեղափոխումը և այնտեղ մնացած անչափահասների շարունակական մոնիտորինգը: Հիմա մենք տեսնում ենք բացություն և թափանցիկություն, ինչը միանշանակ անհրաժեշտ է և շատ լավ: Մենք քննարկեցինք երեխաների բարեկեցության վրա կենտրոնացում ապահովելու քայլերը: Մենք նաև հնարավորություն ունեցանք քննարկելու ապատեղադրողականությանը վերաբերող ավելի լայն խնդիրներ: Առաջ շարժվելու միասնական հետաքրքրություն կա, ես դա զգացել եմ բոլոր կողմերից: Կլինեն տարբեր գործողություններ քննարկումը առաջ տանելու համար և նաև այն, թե ինչպես օգտագործել այս պահը այս կարևոր խնդրի շուրջ իրական քայլեր կատարելու համար:

Միևնույն ժամանակ, ես տեսա, որ խորհրդարանը պատրաստվում է ստեղծել երեխաների պաշտպանության օրենսգրքի վերաբերյալ աշխատանքային խումբ, ինչը ողջունելի փաստ է: Կարծում եմ ՝ այս գործընթացում խորհրդարանի դերը շատ օգտակար կլինի: Մենք Եվրամիության կողմից արդեն ներգրավված ենք դրան և ակնկալում ենք շարունակել աջակցել գործընթացին: Այսօրվա հանդիպման քննարկումը շատ լավ էր և օգտակար: Մենք քննարկեցինք ձեռքբերումները և առաջադրեցինք հետագա քայլերը», – հայտարարել է Կառլ Հարցելը: