Իտալիան առաջարկել է, որ Ուկրաինայի վրա Ռուսաստանի կողմից կրկնակի հարձակման դեպքում դաշնակիցները պարտավոր լինեն որոշում կայացնել ռազմական և տնտեսական օգնության վերաբերյալ 24 ժամվա ընթացքում, հաղորդում է Bloomberg-ը։

Լրատվամիջոցների հաղորդագրությունների համաձայն, այս պլանի հեղինակը Իտալիայի վարչապետ Ջորջիա Մելոնին է։

«Չնայած ՆԱՏՕ-ի թեթև տարբերակը չի համապատասխանի ՆԱՏՕ-ի 5-րդ հոդվածում ամրագրված կոլեկտիվ պաշտպանության պարտավորություններին, այն կպարտավորեցնի Ուկրաինայի հետ երկկողմ համաձայնագրերի ստորագրող կողմերին արագ համաձայնության գալ Ռուսաստանի ագրեսիային հակազդեցության միջոցառումների շուրջ», – գրում է Bloomberg-ը։

Ինչպես գրում է գործակալությունը, Կիևի դաշնակիցների արձագանքը կարող է ներառել Ուկրաինային արագ և կայուն պաշտպանական աջակցության տրամադրումը, նրա բանակի ամրապնդումը, տնտեսական օգնությունը և Ռուսաստանի դեմ նոր պատժամիջոցների կիրառումը։

Այնուամենայնիվ, դեռևս պարզ չէ, թե արդյոք Մելոնիի պլանը ենթադրում է եվրոպական զորքեր ուղարկել Ուկրաինա։

Իտալիայի պաշտպանության նախարար Գվիդո Կրոսետտիի խոսքով՝ Մելոնիի նախաձեռնությունն այն է, որ ՆԱՏՕ-ն, որպես պաշտպանական դաշինք, կարողանա պաշտպանություն ապահովել օտարերկրյա երկրի համար, ինչպիսին է Ուկրաինան։

«Որպես այլընտրանք՝ առանձին երկրները կարող են պատասխանատվություն ստանձնել իրենք։ Օպտիմալ մեխանիզմը կմշակվի ժամանակի ընթացքում»։ Իհարկե, ՆԱՏՕ-ի հետ համատեղ ավելի արդյունավետ զսպումը երաշխավորված է», – ասաց Կրոսետտոն։