Բիձինա Իվանիշվիլի. Շնորհավորում եմ Վրաստանի ձյուդոյի ազգային հավաքականին և համայն Վրաստանին՝ պատմական հաղթանակի կապակցությամբ, սա անդադար աշխատանքի, բարձր պրոֆեսիոնալիզմի և հայրենիքի սիրո արդյունք է
«Վրացական երազանք» կուսակցության պատվավոր նախագահ Բիձինա Իվանիշվիլին շնորհավորում է Վրաստանի ձյուդոյի հավաքականին աշխարհի չեմպիոն դառնալու կապակցությամբ։
Բիձինա Իվանիշվիլիի շնորհավորական ուղերձը հրապարակվել է «Վրացական երազանք»-ի ֆեյսբուքյան էջում։
«Շնորհավորում եմ այս մեծ հաղթանակի առթիվ – Վրաստանի ձյուդոյի հավաքականը աշխարհի չեմպիոն է։ Այս պատմական արդյունքը անդադար աշխատանքի, բարձր պրոֆեսիոնալիզմի և հայրենասիրության արդյունք է։ Ցանկանում եմ շնորհակալություն հայտնել ազգային թիմի յուրաքանչյուր անդամին, ովքեր իրենց հնարավորությունների առավելագույնը տվեցին և մեր երկրի դրոշը աշխարհի առաջնությունում բարձրացրին բոլոր մյուս դրոշներից վեր։ Այս հաղթանակն առավել առանձնահատուկ է այն փաստով, որ մինչ այժմ Վրաստանի կին և տղամարդ ձյուդոյիստները համատեղ երբեք չէին նվաճել աշխարհի առաջնության հաղթանակ։ Կրկին շնորհավորում եմ ազգային հավաքականին և ողջ Վրաստանին այս պատմական հաղթանակի կապակցությամբ», — նշված է Բիձինա Իվանիշվիլիի շնորհավորական ուղերձում։
Հիշեցնենք, որ Հունգարիայի մայրաքաղաք Բուդապեշտում ընթացող ձյուդոյի աշխարհի առաջնության խառը թիմային մրցաշարում Վրաստանի հավաքականը եզրափակչում 4:1 հաշվով հաղթել է Հարավային Կորեայի հավաքականին և նվաճել աշխարհի չեմպիոնի տիտղոսը։