Վրաստանի պաշտպանության նախարարության «Բանակային ճամբար» նախագիծը հյուրընկալում է իր յոթերորդ ռոտացիան: Վրաստանի տարբեր շրջաններից ուսանողներ են սովորում գնդապետ Բեսիկ Քութաթելաձեի անվան Սաչխերեի լեռնային պատրաստության դպրոցում և Կոջորիում գտնվող Գիորգի Անծուխելիձեի անվան սերժանտների ակադեմիայում:

Պաշտպանության նախարարության տվյալներով՝ ուսանողների օրակարգը լի է հետաքրքիր միջոցառումներով, որոնք հատուկ նախատեսված են նրանց համար:

«Գնդապետ Բեսիկ Քութաթելաձեի անվան Սաչխերեի լեռնային պատրաստության դպրոցում, բժշկական և ինժեներական պատրաստության հետ մեկտեղ, ուսանողները մանրամասն տեղեկություններ են ստանում հրահանգիչներից անօդաչու թռչող սարքերի գործառնության և նպատակի մասին: Տեսական պատրաստությունից հետո նրանց հնարավորություն է տրվում ձեռք բերել գործնական փորձ: Վրաստանի պատրիարքարանը ակտիվորեն մասնակցում է նախագծին: Ռազմական առարկաներից բացի, պատրիարքարանի թատերախումբը այցելում է ճամբար և երեխաներին առաջարկում ճանաչողական և կրթական ներկայացումներ: Կրթական ներկայացումները նպատակ ունեն ամրապնդել հոգևոր արժեքները դեռահասների շրջանում: Վրաստանի պաշտպանության նախարարությունը, Կրթության, գիտության և երիտասարդության նախարարության հետ համատեղ, արդեն երրորդ տարին է, ինչ իրականացնում է «Բանակային ճամբար» նախագիծը: Նախագծի նպատակն է բարձրացնել հայրենասիրական ոգին երիտասարդների շրջանում, տարածել առողջ ապրելակերպը և բարձրացնել իրազեկվածությունը վրացական բանակի մասին», – ասվում է հրապարակված տեղեկատվության մեջ: