Քրեական ոստիկանության վարչությունում, որտեղ հարցաքննվում է Վրաստանի պաշտպանության նախկին նախարար Բաչո Ախալայան, շտապ բժշկական օգնություն է կանչվել։

Առկա տեղեկատվության համաձայն՝ հարցաքննության ընթացքում Բաչո Ախալայան իրեն վատ է զգացել, ինչի պատճառով կանչվել է շտապօգնություն, և նրան ցուցաբերվել է համապատասխան բուժօգնություն։

Այս պահին Բաչո Ախալայայի հարցաքննությունը Քրեական ոստիկանության վարչությունում շարունակվում է։

Հիշեցնենք, որ պաշտպանության նախկին նախարար Բաչո Ախալայան Քրեական ոստիկանության վարչություն է ներկայացել հոկտեմբերի 10-ին՝ ժամը 13:00-ից։ Նա հրավիրվել է որպես վկա՝ հոկտեմբերի 4-ին Թբիլիսիում տեղի ունեցած իրադարձությունների կապակցությամբ հարուցված քրեական գործի շրջանակում՝ հարցաքննության և ձայնի նմուշի վերցման նպատակով։

Հիշեցնենք, որ հոկտեմբերի 4-ին «Իմեդի» հեռուստաընկերությունը տարածել էր Պաատա Բուրչուլաձեի և Բաչո Ախալայայի ենթադրյալ հեռախոսազրույցի աուդիոձայնագրությունը, որի իսկությունը դեռ հաստատված չէ։ Ձայնագրության մեջ խոսվում է հոկտեմբերի 4-ի իրադարձությունների վերաբերյալ։