«Ազգային շարժման» ներկայացուցիչ, Բաթումիի քաղաքային խորհրդի անդամ Միրդատ Քամադաձեն ասում է, որ գլխին աղբ լցնելը տեղավորվում է արտահայտման ազատության մեջ:

Ինչպես Վրաստանի առաջին ալիքին ասել է Միրդատ Քամադաձեն, արտահայտման ձևը անցանկալի է, բայց այն տեղավորվում է խոսքի ազատության շրջանակներում, ուստի մարդիկ չպետք է պատժվեն դրա համար:

Այս մասին Միրդատ Քամադաձեն հայտարարել է այն բանից հետո, երբ «Վրացական երազանքի» պատգամավոր Լադո Մգալոբլիշվիլին պահանջել է պատժել միջադեպի մասնակիցներին:

«Ես դատապարտում եմ «Ազգային շարժման» ակտիվիստների կողմից, Աջարիայի գերագույն խորհրդի անդամ Իրակլի Չավլեիշվիլիի վրա մութ ու բռնի հարձակման գործողությունը: Ես իրավապահ մարմիններին կոչ եմ անում անհապաղ արձագանքել փաստին»,- հայտարարել է Լադո Մգալոբլիշվիլին:

Բաթումիում բողոքի ցույցի ժամանակ, որտեղ ցուցարարները բողոքում էին բուլվարում բազմահարկ շենքի կառուցման դեմ, աղմուկ էր: Ակցիայի մասնակիցները Իրակլի Չավլեիշվիլիի ուղղությամբ նետեցին աղբ: Իրավիճակը հանդարտեցրեցին ոստիկանները: