Դրականն այն է, որ փետրվարի մեկից բացում ենք չվերթները, վերացնում ենք կանոնավոր չվերթների վրա հաստատված ցանկացած սահմանափակում: Այս շաբաթ կհանդիպենք տուրօպերատորների հետ, թե ինչպես աշխատենք պատվաստված զբոսաշրջիկներին ներգրավելու ուղղությամբ, – այս մասին հայտարարել է էկոնոմիկայի և կայուն զարգացման նախարար, Նաթիա Թուրնավան:

Ըստ նրա, կանոնավոր չվերթների վերսկսումից հետո, երկիր մուտք գործող ուղևորների համար որոշակի պահանջներ կլինեն, բայց, ինչպես ասում է Թուրնավան, դա չի սահմանափակի զբոսաշրջության աստիճանական մեկնարկը:

«Քանի որ մեր տարածաշրջանում շատ երկրներ կան, որտեղ մարդիկ լիովին պատվաստված են, նրանք կարոտել են չվերթել, հանգստանալ, ճանապարհորդությունը և ցանկանում են գալ մեզ մոտ և մենք կօգնենք այս արդյունաբերությանը: Զբոսաշրջիկների մուտքի ժամանակ հաստատ որոշակի պահանջներ կլինեն, քանի որ ոչ մի տեղ, ոչ մի երկրում չի պատահում, որ առանց որոշակի կանոնակարգերի զբոսաշրջիկները կարողանան մուտք գործել երկիր: Կլինեն որոշ պահանջներ, բայց այդ պահանջները չեն սահմանափակի զբոսաշրջության աստիճանական մեկնարկը, որը կսկսվի գարնանը»,- հայտարարել է Նաթիա Թուրնավան: