Էկոնոմիկայի և կայուն զարգացման նախարարության «Արտադրիր Վրաստանում» գործակալությունը փոփոխություններ է մտցնում իր ծրագրերում, որոնց շրջանակներում կընդլայնվեն ձեռնարկատերերի աջակցության հնարավորությունները: Այս մասին հաղորդում է Էկոնոմիկայի նախարարությունը:

Նրանց խոսքով՝ համընդհանուր արդյունաբերական մասում կատարված փոփոխությունները ազդել են վարկի և վարձակալության տոկոսների համաֆինանսավորման վրա, և դրանք աճել են երկու տոկոսային կետով: Նշված փոփոխությունները ուժի մեջ կմտնեն սեպտեմբերի 1-ից։

«Համաֆինանսավորումից բացի, շահառուները կարող են օգտվել նոր դրամաշնորհային բաղադրիչներից՝ բարձրլեռնային, ագրոտուրիզմ, կանաչ, թվայնացման, հետազոտությունների և զարգացման (R&D) ուղղություններ: Բացի այդ, կին ձեռնարկատերերի համար դրամաշնորհի չափը մեծանում է թվարկված բոլոր բաղադրիչներում։

Փոփոխություններ են կատարվել նաև միկրոձեռնարկատիրության աջակցության պետական ծրագրում, որը ավելացնում է նոր տնտեսական գործունեություն, այդ թվում՝ սննդի արտադրություն, մասնագիտացված շինարարական աշխատանքների մի քանի կատեգորիաներ և այլ միամյա մշակաբույսերի մշակում», – ասվում է Էկոնոմիկայի նախարարության հայտարարության մեջ։