Արդարադատության նախարարություն. Ստրասբուրգի դատարանը «Ջաշի ընդդեմ Վրաստանի» գործով ազգային դատարանների և Հարկադիր կատարման ազգային բյուրոյի գործողությունները համարել է Եվրոպական կոնվենցիային համապատասխան
Ստրասբուրգի դատարանը «Ջաշի ընդդեմ Վրաստանի» գործով ազգային դատարանների և Վարչական հարկադիր կատարումների ազգային բյուրոյի գործողությունները համարել է եվրոպական կոնվենցիային համապատասխան։ Այս մասին հայտնում է Վրաստանի արդարադատության նախարարությունը։
Նախարարության տվյալներով՝ դատարանը ամբողջությամբ կիսել է արդարադատության նախարարության իրավական դիրքորոշումը և հայցվորի պահանջները ճանաչել է որպես ակնհայտ անհիմն և անթույլատրելի։
«Գործը վերաբերում էր 2016-2021 թվականներին տեղի ունեցած իրադարձություններին և առնչվում էր համալսարաններից մեկից ազատված պրոֆեսոր Քեթևան Ջաշիի բողոքին, որը պնդում էր, որ իր օգտին ընդունված որոշումը, որով նախատեսվում էր նրան վերականգնել ազատումից առաջ զբաղեցրած պաշտոնում, ազգային մակարդակում չէր իրականացվել։ Չնայած այդ պահանջներին՝ Ստրասբուրգի դատարանը հստակ հաստատել է, որ ազգային դատարաններն ու Վարչական հարկադիր կատարումների ազգային բյուրոն գործել են պատշաճ հոգածությամբ և իրականացրել են բոլոր անհրաժեշտ միջոցները՝ օրինական ուժի մեջ մտած որոշման կատարման ապահովման համար։ Գործընթացի ընթացքում հայցվին առաջարկվել է ողջամիտ այլընտրանքային լուծում, որը նա մերժել է։ Ստրասբուրգի դատարանի այսօրվա որոշմամբ հստակ հաստատվել է, որ ազգային դատարաններն ու Վարչական հարկադիր կատարումների ազգային բյուրոն գործել են եվրոպական կոնվենցիայի չափանիշներին լիովին համապատասխան», – նշված է Արդարադատության նախարարության տարածած հաղորդագրության մեջ։
