Լատվիայի արտաքին գործերի նախարար Էդգարս Ռինկևիչսի հայտարարությամբ, իր վրացի գործընկեր Դավիթ Զալկալիանիի հետ հանդիպման ժամանակ քննարկվել են Վրաստանի` ՆԱՏՕ-ին ինտեգրվելու հարցերը և ՆԱՏՕ-ի հաջորդ գագաթնաժողովի նախապատրաստական ​​աշխատանքները:

Նրա խոսքով, հռչակագրում կարտացոլվի ՆԱՏՕ-ին անդամակցել ցանկացող երկրների նկրտումները, իսկ Լատվիան կաջակցի գագաթնաժողովից հետո ՆԱՏՕ-Վրաստան հանձնաժողովի նիստի հրավիրելուն:

«Արտաքին գործերի նախարար Դավիթ Զալկալիանիի հետ հանդիպման ժամանակ մենք քննարկեցինք ՆԱՏՕ-ի առաջիկա գագաթնաժողովի հարցը և ՆԱՏՕ-ի գագաթնաժողովի հռչակագրի անհրաժեշտությունը, որ ՆԱՏՕ-ի դուռը բաց է և գործնական աջակցություն է ցուցաբերվում այն գործընկերներին, որոնք ցանկանում են անդամակցել դաշինքին:

Սա մեծ գագաթնաժողով չէ, սովորաբար ՆԱՏՕ-ի անդամ երկրները հանդիպում են ԱՄՆ-ի նոր նախագահի ընտրության ժամանակ: Մենք անհամբեր սպասում ենք ՆԱՏՕ-ի գագաթնաժողովից նոր ռազմավարական հայեցակարգ, անհամբեր սպասում ենք աշխատանքի այն հարցերի շուրջ, որոնք շատ կարևոր են ՆԱՏՕ-ի դաշնակիցների համար, երբ խոսքը վերաբերում է 5-րդ հոդվածին: Մենք կցանկանայինք տեսնել նաև բաց դռների քաղաքականության վերահաստատումը: ՆԱՏՕ-ի գագաթնաժողովից հետո մենք կկարողանանք անցկացնել Վրաստան-ՆԱՏՕ հանդիպում, արտաքին գործերի նախարարների մակարդակով, և, իհարկե, կաջակցենք այս հանդիպմանը», – ասել է Էդգարս Ռինկևիչսը:

Հունիսի 7-8-ը, Լատվիայի արտաքին գործերի նախարար Էդգարս Ռինկևիչսը պաշտոնական այցով գտնվելու է Վրաստանում: Լատվիայի արտաքին գործերի նախարարը Վրաստան կատարելիք այցի ընթացքում հանդիպումներ կունենա նաև Վրաստանի վարչապետ Իրակլի Ղարիբաշվիլիի և խորհրդարանի նախագահ Կախա Կուճավայի հետ:

Վրաստանում գտնվելու ընթացքում Լատվիայի արտգործնախարարը կմեկնի օկուպացցված գծի մերձակայքում գտնվող Օձիսի գյուղ և տեղում կծանոթանա իրավիճակին: Բացի այդ, Էդգարս Ռինկևիչսը հարգանքի տուրք կմատուցի երկրի միասնության համար զոհված մարտիկներին և ծաղկեպսակով կզարդարի Հերոսների հուշահամալիրը, նա նաև գրառում կթողնի հյուրերի գրքում: