Անալենա Բերբոկը հանդիպել է Սիրիայի նոր առաջնորդի հետ. Մենք չենք կարող հետ բերել Ասադի ռեժիմի գործողությունների հետևանքով զոհվածների կյանքը, բայց մենք կարող ենք օգնել ձեզ հասնել արդարության
Գերմանիայի արտաքին գործերի նախարար Անալենա Բերբոկը ֆրանսիացի գործընկեր Ժան-Նոել Բարոյի հետ Սիրիայում է։ Եվրոպացի դիվանագետները հանդիպել են երկրի նոր ղեկավար Ահմեդ Ալ Շարայի հետ։ Այս մասին հայտնում է «Deutsche Welle»-ն։
Գերմանիայի և Ֆրանսիայի արտաքին գործերի նախարարներն առաջին արևմտյան դիվանագետներն են, որոնց Դամասկոսում ընդունել է Սիրիայի նոր ղեկավարությունը։
Անալենա Բերբոկը նշել է, որ Գերմանիան մտադիր է օգնել Սիրիայի իշխանություններին՝ իրականացնելու ներառական, խաղաղ անցում, հասնել սոցիալական հաշտեցման և վերականգնել երկիրը։
Միաժամանակ Սիրիայում այցով գտնվող Բերբոկը այցելել է բանտ և կոչ արել միջազգային ջանքեր գործադրել՝ պատշաճ կերպով պատժելու Սեդնայա բանտում խոշտանգումների մեջ ներգրավվածներին:
«Մենք չենք կարող հետ բերել նրանց կյանքը, ովքեր զոհվել են Բաշար ալ-Ասադի վարչակարգի գործողությունների արդյունքում, սակայն մենք բոլորս, որպես միջազգային հանրություն, կարող ենք օգնել ձեզ հասնել արդարության»,- ասել է Բերբոկը։