ԱՄՆ Կոնգրեսի հայկական հարցերով հանձնախմբի անդամները նամակով դիմել են Ջո Բայդենին՝ Լեռնային Ղարաբաղում զարգացած իրադարձությունների հետ կապված:

Կոնգրեսականները նշել են, որ պատերազմը, որն Ադրբեջանն սկսել է Թուրքիայի և արտասահմանցի վարձկան զինյալների աջակցությամբ, ստեղծվել է մարդասիրական ճգնաժամ:

«Մենք ողջունում ենք խաղաղությունը, բայց խորապես մտահոգված ենք այս համաձայնագրի կտրուկ ու երկարաժամկետ հետևանքներով, որոնք չեն կարգավորում ԼՂ կարգավիճակի հարցը: Այս ողբերգական հետևանքներից հնարավոր կլիներ խուսափել, եթե ԱՄՆ-ը և միջազգային հանրությունն առավել ակտիվ գործեին, իսկ նման քայլերի բացակայությունն ավելի է նպաստել Ադրբեջանի և Թուրքիայի ագրեսիվ հռետորաբանությանը, գործնական քայլերին ու դրանց հետևանքով արձանագրված իրողություններին:

Քանի որ ստանձնում եք ԱՄՆ նախագահի պաշտոնը, Դուք հնարավորություն ունեք նոր քաղաքականություն որդեգրել տարածաշրջանում, որը կաջակցի ժողովրդավարությանը, մարդու և, մասնավորապես, ազատ ինքնորոշման իրավունքներին»,- ասվում է Ադամ Շիֆի, Ֆրանկ Պալոնեի և Ջեկի Սպեյերի նամակում: