ՆԳՆ-ն արտակարգ իրավիճակների կառավարման ծառայության հաղորդմամբ, հրշեջ-փրկարարները ակտիվորեն շարունակում են մարել հրդեհը ամբողջ Վրաստանում:
«Ներքին գործերի նախարարության արտակարգ իրավիճակների կառավարման ծառայությունում 04.01.2021 09:00-ից հետո մտել է 136 ահազանգ, անտառային և դաշտային հրդեհների վերաբերյալ: Դրանցից 116-ը լուծարվել են, երեքը տեղայնացվել, իսկ 17-ի վրա ակտիվ տեղայնացման աշխատանքներ են ընթանում: Այս պահին հրդեհների օջախների մոտ է գտնվում ավելի քան 700 հրշեջ-փրկարար և ավելի քան 70 հրշեջ-փրկարարական հատուկ տեխնիկա:
Սամեգրելոյում գրանցվել է 96 օջախ, դրանցից 84-ը լուծարվել է, երեքը տեղայնացվել, իսկ իննը օջախներում ընթանում են տեղայնացման աշխատանքներ:
Իմերեթիում գրանցվել է 26 օջախ, դրանցից 22-ը լուծարվել է, չորս օջախներում ընթանում են տեղայնացման աշխատանքներ:
Աջարիայում գրանցվել է չորս հրդեհի օջախ, դրանցից երկուսը լուծարվել են, և տեղայնացման աշխատանքներ են տարվում երկու բռնկումների դեպքում:
Ռաչա-Լեչխումիում գրանցվել է երեք բռնկում, դրանցից մեկը լուծարվել է, և տեղայնացման աշխատանքներ են տարվում երկու բռնկումների դեպքում:
Գուրիայում յոթ բռնկում է գրանցվել, բոլորը լուծարվել են»,- հայտարարում են գործակալությունից:
Նրանց խոսքով, հրդեհների արդյունքում ոչ ոք չի տուժել: Ոչ մի դեպքում բնակչությանը վտանգ չի սպառնում:
Ներքին գործերի նախարարության արտակարգ իրավիճակների կառավարման ծառայությունը բնակչությանը կոչ է անում զերծ մնալ գյուղատնտեսական նշանակության հողերը այրելուց, ինչը սպառնալիք է ներկայացնում ինչպես անտառներին, այնպես էլ բնակելի տներին:
Գերատեսչությունում հայտարարում են, որ արտակարգ իրավիճակների կառավարման ծառայության ղեկավար Թեմուր Մղեբրիշվիլին, նրա տեղակալ Լևան Ղիրսիաշվիլին և վարչակազմի բաժնի պետ Գիորգի Գերգաուլին անձամբ մասնակցում են ամբողջ Վրաստանում հրդեհաշիջման աշխատանքներին: Կենտրոնից տեղեկատվությունը մշակվում և համակարգվում է տեսազանգերի միջոցով: Հրշեջ-փրկարարական վարչության պետ Դավիթ Սուխիշվիլին իր տեղակալ Լաշա Թվաուրիի հետ միասին գտնվում է Սամեգրելոյում, որտեղ գտնվում է հրդեհի օջախների մեծ մասը:
