Ներքին գործերի նախարարության Թբիլիսիի ոստիկանության վարչության աշխատակիցների կողմից իրականացված քննչական գործողությունների արդյունքում ձերբակալվել է «Ուժեղ Վրաստան» կոալիցիայի առաջնորդներից մեկը՝ Ալեքսանդր Էլիսաշվիլին։

Գերատեսչության հաղորդմամբ, նա մեղադրվում է Քրեական օրենսգրքի 156-րդ հոդվածի 2-րդ մասի «ա» ենթակետով նախատեսված հանցագործության մեջ, որը վերաբերում է բռնության գործադրմամբ կատարված հետապնդմանը։

«Քննությամբ պարզվել է, որ այս տարվա դեկտեմբերի 2-ին Թբիլիսիում, Կոստավա փողոցում գտնվող դեղատներից մեկում, Ալեքսանդր Էլիսաշվիլին հարձակվել է «Վրացական երազանք» կուսակցության անդամ, 1954 թվականին ծնված Ա.Բ.-ի վրա և ֆիզիկական հարձակվել վերջինիս կուսակցական հայացքների պատճառով։

Իրավապահների կողմից իրականացված քննչական գործողությունների արդյունքում Ալեքսանդր Էլիսաշվիլին ձերբակալվել է որպես կասկածյալ։

Դեպքի առթիվ հետաքննությունն իրականացվում է Քրեական օրենսգրքի 156-րդ հոդվածի երկրորդ մասի «ա» ենթակետով։ Հանցագործությունը պատժվում է ազատազրկմամբ՝ առավելագույնը երեք տարի ժամկետով»,- ասված է հաղորդագրությունում։