Ֆինլանդիայի նախագահ Ալեքսանդր Ստաբսը հայտարարել է, որ այնպիսի հարցեր, ինչպիսիք են առևտուրը, հակամարտությունը, կլիման կամ տեխնոլոգիաները, չեն կարող լուծվել միայն նման հայացքներ ունեցող երկրների կողմից։

Ֆինլանդիայի նախագահի խոսքով՝ Եվրոպային անհրաժեշտ է նոր մոտեցում ժամանակակից աշխարհի նկատմամբ։

«Կան մարդիկ, ովքեր աջակցում են բազմաբևեռ աշխարհին, որը գործարքային է, հիմնված է գործարքների և շահերի ոլորտների վրա։ Մենք աջակցում ենք միջազգային ինստիտուտների, կանոնների, նորմերի և համագործակցության գաղափարին։ Ժողովրդագրական, տնտեսական պատճառներով գլոբալ Հարավը կորոշի հաջորդ աշխարհակարգը։ Ինչպե՞ս ստեղծել արժեքային առաջարկ։ Ես փորձում էի ասել, որ մեր արտաքին քաղաքականությունը հիմնված է արժեքային ռեալիզմի վրա։ Այսպիսով, մենք պետք է հավատարիմ լինենք մեր արժեքներին, որոնք են՝ մարդու իրավունքները, հիմնարար իրավունքները, ժողովրդավարությունը, ազատությունը, օրենքի գերակայությունը, բայց լինենք իրատես։ Դուք չեք կարող լուծել առևտրի, հակամարտության, կլիմայի կամ տեխնոլոգիայի հարցերը միայն նման հայացքներ ունեցող երկրների հետ», – նշել է Ալեքսանդր Ստաբը։