Իրավիճակը ռազմաճակատում շատ դժվար է, Ռուսաստանը ակտիվ հարձակումներ է նախապատրաստում Պոկրովսկի և Զապորոժիեի ուղղություններով,- ասել է Ուկրաինայի զինված ուժերի գլխավոր հրամանատար Ալեքսանդր Սիրսկին։

Սիրսկիի խոսքով՝ ամենադժվար իրավիճակը ներկայումս Պոկրովսկի ուղղությամբ է։

«Ներկայումս թշնամին կենտրոնացած է երկու հիմնական ուղղությունների վրա։ Սա Պոկրովսկին է, որը մնում է կարևորագույն ռուսների համար։ Այժմ նրանք ստորաբաժանումներ են տեղափոխում Սումիից Զապորոժիեի ուղղություն։ Սա կլինի երկրորդ ուղղությունը, որտեղ Ռուսաստանը նախատեսում է ակտիվ հարձակողական գործողություններ սկսել», – նշել է Սիրսկին։

Սիրսկիի խոսքով՝ այսօրվա դրությամբ Զապորոժիեի ուղղությամբ ցածր ինտենսիվության գործողությունները շարունակվում են, բայց օկուպանտները փորձում են ուժեղ հարված հասցնել, որը նրանք պլանավորել էին մեկ տարի առաջ։

«Ինչպես հիշում եք, Կուրսկի գործողությունը պարզապես խափանեց նրանց ծրագրերը», – նշել է Սիրսկին։