Այս տարվա հունվար-ապրիլին Ադրբեջանից Վրաստան է արտահանվել 450.9 միլիոն կՎտ/ժ էլեկտրաէներգիա։

Ադրբեջանի պետական ​​վիճակագրական կոմիտեի տվյալներով՝ էլեկտրաէներգիայի արտահանման այս ծավալից ստացված եկամուտը Ադրբեջանի համար կազմել է 25.7 միլիոն ԱՄՆ դոլար։

Հաշվետու ժամանակահատվածում Վրաստան էլեկտրաէներգիայի արտահանումն աճել է 36.7 միլիոն կՎտ/ժ-ով, ինչը ծավալային առումով կազմում է 8.9 տոկոս, իսկ արժեքային առումով՝ 4.8 միլիոն ԱՄՆ դոլարով կամ 23 տոկոսով՝ նախորդ տարվա նույն ժամանակահատվածի համեմատ։

Այսպիսով, անցյալ տարվա առաջին չորս ամիսներին Ադրբեջանից Վրաստան է արտահանվել 414.2 միլիոն կՎտ/ժ էլեկտրաէներգիա, որի արժեքը կազմել է 20.9 միլիոն ԱՄՆ դոլար։

Ըստ ադրբեջանական լրատվամիջոցների՝ հաշվետու ժամանակահատվածում Ադրբեջանից Ռուսաստան, Վրաստան և Իրան է արտահանվել 525.1 միլիոն կՎտ/ժ էլեկտրաէներգիա՝ 29.1 միլիոն ԱՄՆ դոլար արժողությամբ։