Հավաստիացնում ենք, որ ոչ մի սադրիչ գործողություն մեր կողմից անպատասխան չի մնա,- այս մասին հայտարարել է Հայաստանի վարչապետ, Նիկոլ Փաշինյանը:

Ինչպես նա նշել է, փոխարեն սեփական ժողովրդին կոչ անեն հետևել համավարակաբանական նորմերին, Ադրբեջանի կառավարությունը հանդես է գալիս պատերազմական հռետորաբանությամբ:

«Ադրբեջանի իշխանությունները հանդես են գալիս պատերազմական կոչով, կարծես հայատյացությունը կորոնավիրուսի դեմ պայքարի լավագույն միջոցն է: Հավաստիացնում ենք, որ ոչ մի սադրիչ գործողություն մեր կողմից անպատասխան չի մնա»,- ասել է Նիկոլ Փաշինյանը:

Հայ-ադրբեջանական սահմանին զինված դիմակայությունը սկսվել է երեկ: Ադրբեջանական կողմը հաստատում է երեք զինվորի մահը: Հայաստանի պաշտպանության նախարարությունում ասում են, որ նրանք կորուստներ չունեն:

Միևնույն ժամանակ, Հայաստանի և Ադրբեջանի արտգործնախարարություններն այսօր հանդես են եկել հայտարարություններով, միմյանց մեղադրելով կրակ բացելու մեջ: