Ադրբեջանը կրկին Հայաստանին մեղադրում է ադրբեջանական մարտական դիրքերի ուղղությամբ կրակ բացելու մեջ, իսկ Հայաստանը հերքում է մեղադրանքները
Բաքուն կրկին մեղադրում է Երևանին ադրբեջանական մարտական դիրքերի ուղղությամբ կրակ բացելու մեջ, իսկ Հայաստանը հերքում է մեղադրանքները։
Ադրբեջանի պաշտպանության նախարարության հաղորդմամբ՝ սեպտեմբերի 3-ի ցերեկից մինչև սեպտեմբերի 4-ի առավոտ Հայաստանի զինված ուժերի ստորաբաժանումները Բասարգեչար, Գորիսի և Գարաքիլսի շրջաններում տեղակայված դիրքերից տարբեր տրամաչափի զինատեսակներից կրակ են բացել Քալբաջարի և Լաչինի շրջաններում տեղակայված ադրբեջանական դիրքերի ուղղությամբ: Նախարարության փոխանցմամբ՝ ադրբեջանական բանակի ստորաբաժանումները ձեռնարկել են համարժեք պատասխան գործողությունների։
Հայաստանի պաշտպանության նախարարությունը պնդում է, որ Ադրբեջանը հերթական ապատեղեկատվությունն է տարածում և սեպտեմբերի 3-ին և 4-ին հայկական զորամասերը կրակ չեն բացել հայ-ադրբեջանական սահմանի մոտ տեղակայված ադրբեջանական մարտական դիրքերի ուղղությամբ։