Այն անձինք, ովքեր մասնակցում են միասնական ազգային, դրամաշնորհային կամ մագիստրատուրայի ընդհանուր քննություններին, վարորդական իրավունքի վկայականի քննությունների համար կօգտվեն հատուկ արտոնությունից
Տեղեկացնում ենք, որ վարորդական իրավունքի թեկնածուները, ովքեր մասնակցում են միասնական ազգային, դրամաշնորհային (սագրանտո) կամ մագիստրատուրայի ընդհանուր քննություններին, սպասարկման գործակալության կողմից կօգտվեն հատուկ արտոնությունից. այս մասին տեղեկատվություն է տարածում ՆԳՆ սպասարկման գործակալությունը։
Նրանց տվյալներով՝ այն դեպքում, եթե տրանսպորտային միջոցի վարման իրավունք ստանալու գործնական քննության երկրորդ փուլի քննության ամսաթիվը համընկնում է միասնական ազգային, դրամաշնորհային կամ մագիստրատուրայի ընդհանուր քննության ամսաթվի հետ, թեկնածուն հնարավորություն ունի փոխել քննության ժամը։
«Դրա համար անհրաժեշտ է, որ վարորդական իրավունքի թեկնածուն [email protected] էլեկտրոնային փոստի հասցեին ուղարկի քննական քարտը և անձը հաստատող փաստաթուղթը։ Ներկայացված տեղեկատվության հիման վրա թեկնածուի համար կսահմանվի քննության նոր ժամ»,- նշված է ՆԳՆ սպասարկման գործակալության տեղեկատվության մեջ։