Ֆրանսիայում արտակարգ դրության ռեժիմը չեղարկվել է
Փարիզում տեղի ունեցած ահաբեկչություններից երկու տարի անց արտակարգ դրության ռեժիմը չեղարկվել է։ Սակայն համաձայն նոր օրենսդրության՝ ոստիկանությունը կպահպանի ահաբեկչության դեմ պայքարի ոլորտում ընդլայնված լիազորությունները։
Նոյեմբերի 1-ից Ֆրանսիայում դադարել է գործել արտակարգ դրության ռեժիմը, որը երկարացվել էր 6 անգամ։ Այդ ընթացքում հաջողվել է կանխել 32 ահաբեկչական գործողություն։
Նոր օրենքը, որը ստորագրել է նախագահ Էմանուել Մակրոնը շաբաթվա սկզբին, թույլ է տալիս խուզարկություններ անցկացնել, կրոնական կազմակերպություններ փակել, սահմանափակել կասկածելի անձանց տեղաշարժը։