Қырҭтәыла агәабзиарахьчара аминистр уажәааны Рухи иаартыз ахәышәтәырҭа ибеит. Зураб Азарашвили аклиникаҿы аҭагылазаашьа гәаҭаны, аҳақьымцәа дырҧылеит. Аиҧылараҿы наҟ-наҟтәи апланқәа ирылацәажәеит.

«Цәыббра 15 рзы Рухи аадыртит ауниверситеттә клиника. Уаҟа иаатуп анеирохирургиеи, азеиҧш хирургиеи, атравматологиеи, аурологиеи, акардиологиеи уҳәа, еиуеиҧшым  аҟәшақәа.  Амедицинатә усбарҭа ҳаамҭазтәи амедицинатә аппаратурала еибыҭоуп, уаҟа аус руеит зквалификациа ҳараку аҭыҧантәи аспециалистцәеи еиуеиҧшым ақалақьқәа рҟынтә  инарыҧхьаз аспециалистцәеи.

Ҩымз рыла ари аклиника рхы иадырхәахьеит  2000ҩык иреиҳаны апациентцәа.

Астратегиатә ҭыҧ абзоурала, ари аклиникеи амедицинатә сервисқәеи рхы иадырхәар рылшоит импыҵахалоу аҵакырадгьылқәа рҟынтә ииасуа ауааҧсырагьы», — иануп аинформациаҿы.