«Қырҭтәыла, иаанхаз аамҭа ахы иархәаны, ахадаратә реформақәа мҩаҧнагароуп», — иҳәеит Евроеидгыла иреиҳаӡоу ахаҭарнак  Жозеп Боррель Қарҭ иҟоу Евроеидгыла ахаҭарнакра аофис аҿы имҩаҧгаз абрифинг аҿы.

«Ари ақалақь амҩақәа рҿы европатәи абираҟқәа рацәа збоит, Қырҭтәыла ауааҧсыра  рҟынтә 80 наӡына Евроеидгыла иалалар шырҭаху здыруеит. Қырҭтәыла европатәи аҧеиҧш иадгылаз ауаа зегьы ҭабуп ҳәа расҳәар сҭахуп. Евроеидгыла алалара  – амилаҭтә ҳасабтәуп,  аганқәа зегьы конструктивла аус еицыруроуп, уажәазы акзаара зеиҧшҟамлац аҵакы амоуп», — заявил Жозеп Боррель.

Евроеидгыла иреиҳаӡоу ахаҭарнак ишиҳәаз ала,  ивизитаан иара Қырҭтәыла ахадеи,  аҧыза-министри,  адәныҟатәи аусқәа рминистри,  апарламент алахәылацәеи,  атәылауаҩратә уаажәларра ахаҭарнакцәеи дырҧылоит.

«Ҳара уажәазы иҟоу апрогресси имҩаҧгатәу аусуреи ҳалацәажәоит. Қырҭтәыла, иаанхаз аамҭа ахы иархәаны, ахадаратә реформақәа мҩаҧнагароуп.  Евроеидгыла Қырҭтәыла ишадгыло убарҭоуп ҳфинанстә цхыраара алагьы.   2021-2024 шықәсқәа рзы Қырҭтәыла иазоушьҭуп 340 миллион евро,  еиқәҳаршәаз аинвестициатә планла иазҧхьагәаҭоуп  1,3 миллиард евро аинвестициа», — иҳәеит  Жозеп Боррель.

Иара иажәақәа рыла,  аиҧыларақәа раан,  Украина иаҿагыланы Урыстәыла имҩаҧнаго аибашьра алҵшәа цәгьақәагьы ирылацәажәоит,  иара убас,  Боррель даҽазнык ишьақәиҕәҕәоит Евроеидгыла Қырҭтәыла ахьыҧшымреи аҵакырадгьылтә акзаареи ишадгыло.