«Қырҭтәыла акандидат астатус аиуроуп, избанзар, иахәҭоу ашьаҿақәа ҟаҵаҵәҟьан. Ишәыдысныҳәалоит», — илҳәеит  Еврокомиссиа ахада Урсула фон дер Лаиен.

Лара лажәақәа рыла,  Еврокомиссиа Қырҭтәылеи ақырҭуа жәлари ревропатәи ҽазышәрақәа ирыдгылоит.

«Аиҳабыра абарҭ аҽазышәарақәа иазҧхьагәарҭароуп. Дара аоппозициеи атәылауаҩратә уаажәларреи рҟны аусеицура иалагароуп. Ҳәарада, дара ҧаса ироуз 12 абжьагарақәа нарыгӡароуп. Уажәы акомиссиа иаҵшьы иазгәанаҭоит Қырҭтәыла ашьаҿа бзиақәа шыҟаҵоу.

Аоппозициа апарламенттә процессқәа активла ирылахәып, адеолигархизациа ахырхарҭалагьы. Ҳара акрызҵазкәа  ашьаҿақәа аабоит, акоррупциа аҿагыларазы ахеилак еиҿкаауп. Убри аҟынтә, Еврокомиссиа акандидат астатус анашьаразы абжьагара ҟанаҵоит, ари азҵаара аҵакы ду шамоу еилаҳкаауеит, атәыла анапхгара Евроеидгылахь аинтеграциазы иаҭаху ашьаҿақәа ҟарҵоит. Евроеидгылазы уи иаҵанакәа рацәаоуп  — Евроеидгыла арҭбаара аҵакы ду амоуп», — илҳәеит  Урсула фон дер Лаиен.

Европатәи акомиссиа Европатәи ахеилак иабжьанагоит Қырҭтәыла Евроеидгыла алаларазы акандидат астатус анаршьарц. Ари атәы еилкаахеит Еврокомиссиа ахада Урсулы фон дер Лаиени европатәи агәылара аполитикеи арҭбаареи азҵаарақәа рзы Еврокомиссар Оливер Варҳеи еицымҩаҧыргаз абрифинг аҿы.