Еврокомиссиа ахада  Урсула фон дер Лаиен ишылҳәаз ала,  Мраҭашәаратә Балканқәеи Европеи аиҭакрақәа раамҭа ааит.

Лаиен ишылҳәаз ала,  Евроеидгыла алалара иазкны Албаниеи Аҩадатәи Македониеи рҟны аиҿцәажәарақәа иалагеит, Украинеи Молдовеи акандидат астатус ранашьоуп, Қырҭтәыла европатәи аперспектива иазхаҵоуп.

Еврокомиссиа ахада лажәақәа рыла,  европатәи аҭаацәара азааигәахара иацхрааша аимпульс ҿыц иҟоуп.

«Мраҭашәаратә Балканқәеи Европеи аиҭакрақәа раамҭа ааит. Ишыжәдыруа ала,  Евроеидгыла алалара иазкны Албаниеи Аҩадатәи Македониеи рҟны аиҿцәажәарақәа иалагеит, Украинеи Молдовеи акандидат астатус ранаҳшьеит, Қырҭтәыла европатәи аперспектива иазхаҵоуп. Европатәи аҭаацәара азааигәахара иацхрааша аимпульс ҿыц иҟоуп. Босниеи Герцеговинеигьы иахәҭоу ашьаҿа аныҟарҵаша аамҭа ааит. Шәааи, иаартны иаҳҳәап, шықәсык аҧхьа ҳхахьы иаҳзаагомызт абас ирласны абри аҩыза аиҭакрақәа шыҟало», — илҳәеит Еврокомиссиа ахада.