Урыстәыла Иркутсктәи атәылаҿацә аҿы 28 шықәса зхыҵуаз аҧҳәыс амырза дагеит

Урыстәыла Иркутсктәи атәылаҿацә аҿы  28 шықәса зхыҵуаз аҧҳәыс амырза дагеит. Лара дахьыҧсыз аклиникаҿы акарантин рылаҳәоуп.

Арегионалтә АИХқәа рдыррақәа рыла, зыӡбахәы ҳәоу аҧҳәыс аус ахьылуаз алабораториаҿ цәыббра 25 рзы  амырза авирус зҭаз апробирка лцәыҧҽит.  Аха, аофициалтә органқәа ари аверсиа шьақәдырҕәҕәом.

Иҧсыз аҧҳәыс лҟны аимадара змаз  200ҩык раҟара рҭагылазаашьа иацклаҧшуеит. Атәылаҿацә агубернатор иҳәамҭала, дара ари ачымазара рнубаалом.

Агәабзиарахьчара адунеизегьтәи аиҿкаара адыррақәа рыла, аҵыхәтәаны, Урыстәыла, амырза афакт аарҧшын  2016 шықәсазы.