Украина ахада иофис аҿы Украина ажәҩан аркра иазкны аларҵәара змаз аинформациа мап ацәыркит
Украина ахада иофис аҿы Украина ажәҩан аркра иазкны аларҵәара змаз аинформациа мап ацәыркит
18:42, 13.02.2022

Украина ахада Владимир Зеленски иофис аҿы Украина ажәҩан аркра иазкны АИХ аҿы аларҵәара змаз аинформациа мап ацәыркит. Зеленски иофис анапхгаҩы ихаҭыҧуаҩ Кирилл Тимошенко иажәақәа рыла, авиаеилахәырақәак аҧгаҧсатә еилахәырақәа рҟны апроблемақәа рызцәырҵит.   Иара ишиҳәаз ала, атәыла анапхгара Украина аҳаиртә қәыҧшылара аркра иазкны аӡбара рыдрымкылеит.

Жәабран 12 рзы украинатәи авиаеилахәыра  SkyUp Португалиантә Киевҟа изымҧырит ашәарҭара азҳара иадҳәаланы аҧгаҧсатә еилахәыраҿы ирызцәырҵыз апроблемақәа рымшала.

Иара убас, Украинаҟа аҧырра иаҟәыҵит голландиатәи  KLM.

Украина ахада иофис аҿы ишаарыцҳаз ала, егьырҭ авиаеилахәырақәа абжьааҧнытә режим аҿы ареисқәа нарыгӡоит.

 

 





АДУНЕИАҾЫ
Украина аҳаиртә қәыҧшылара
2