2021 шықәсатәи адыррақәа рыла, Қырҭтәыла атәылауаҩ цыҧхьаӡа есымза Ауаажәларратә дырраҭара  иазишәоит 1 ларии 30 ҭетрии, — иҳәеит Ауаажәларратә дырраҭара Ахылаҧшратә хеилак ахантәаҩы Васил Маҕлаҧериӡе апарламент аҿы  2021 шықәсатәи аҳасабырба анцәыригоз.

Васил Маҕлаҧериӡе ишазгәеиҭаз ала, абри аицҵалыҵ роуит Ауаажәларратә дырраҭара шықәсыктәи абиуџьет атәыла ауааҧсыра рхыҧхьаӡаразы ашарала.  Иара иажәақәа рыла,  Европатәи адырраҭаратә еидгыла   абри апринцип ахы анархәоит еиуеиҧшым атәылақәа руаажәларратә дырраҭарақәа рфинансыркра аиҿарҧшразы.

Иара убас,  Васил Маҕлаҧериӡе адепутатцәа дырзаҧхьеит Европатәи адырраҭаратә еидгыла ажәахә аҟынтә ацитата: «Кавказтәи атәылақәеи  (Қырҭтәыла,  Шәамахьатәыла,  Азербаиџьан), иара убас,  Молдовеи,   Мароккои,  Украинеи аҭагылазаашьа даараӡа ҳаргәамҵуеит.   Егьырҭ атәылақәа рҿы Ауаажәларратә дырраҭара атәылауаҩ цыҧхьаӡа иҟынтә есымза  6 евро аиуеит,   иаҳҳәап,  Молдова ауааҧсыра 2 евро ауп иршәо. Украина адыррақәагьы цәгьоуп,  уаҟа 2019 шықәсатәи адыррақәа рыла,  ауаа 1 евро мацароуп иршәоз».

«Убри аҟынтә,  Европатәи адырраҭаратә еидгыла ашәахтә методологиа инақәыршәаны  иаҳҳәозар,  Қырҭтәыла атәылауаҩ цыҧхьаӡа есымза иишәо  ашәахтә  — 1 ларии 30 ҭеҭрии  —  акритикатә аҳәаа аҵкыс илаҟәып ҳәа ҳҳәар ҳалшоит.

Сара Ауаажәларратә дырраҭаразы аҭак сыҧхықәум, аха,  Қырҭтәыла Ауаажәларратә дырраҭара иҟазароуп ҳәа сгәы иаанагоит,  избанзар уи европатәи институтуп.  Афинансыркра  —  уи зынӡаскгьы даҽа зҵаароуп.  Аус злоу шәасҳәоит. ВВСи  афранцыз телееилахәыреи реиҧшҵәҟьа,   ҳаргьы ҳхашәала аҟынтә  80 наӡына атехникатә аиҭеибыҭаразы инаҳхуеит  —  ҳаргьы аҭелқәеи акамерақәеи евро ала иааҳхәоит», — иҳәеит  Васил Маҕлаҧеридзе.