Қырҭтәыла иҟоу Агәабзиарахьчара адунеизегьтәи аиҿкаара ахаҭарнакра анапхгаҩы  Сильвио Доменте ишиҳәаз ала,  Қырҭтәыла мацара акәымкәа,  инеизакны,  арегион аҿы аепидҭагылазаашьа цәгьоуп.

Иара иажәақәа рыла, атәыла анапхгара ашәарҭарақәа зегьы иазҧхьагәаҭаны, иашьашәалоу аӡбарақәа рыдыркылароуп. Доменте авакцинациа аҵакы дазааҭгылеит.

«Авакцинациа аҩаӡара лаҟәуп. Авакцинациа активла ахьымҩаҧысуа атәылақәа маҷуп.  Ҳара цәыббранӡа  10% ауааҧсыра еиҵамкәа,  ҧхынҷкәын аҟынӡа  40 наӡына еиҵамкәа,  насгьы,  ҳаҧхьаҟа,  аҧхынранӡа  70 наӡына еиҵамкәа ауааҧсыра алаҵақәа рзыҟаҵаразы абжьагара ҟаҳҵоит,  убасҟан ауп иахәҭоу алҵшәа анҳауа.

Уажәазы еиуеиҧшым аштаммқәа аларҵәара иаҿуп. Атәыла цыҧхьаӡа, ахатә епидҭагылазаашьа иазҧхьагәаҭаны,  аҧкрақәа ирызкны аӡбара аднакылароуп. Атәыла аиҳабыра ашәарҭарақәа зегьы иазҧхьагәаҭаны,  иашьашәалоу аӡбарақәа рыдыркылароуп. Авакцинациа апроцесс аҧыжәара амазароуп», — иҳәеит  Сильвио Доменте.