Хықәкыс иҳамоуп иаауа амчыбжь азы аиҳабыра ҿыц аилазаашьа ашьақәырӷәӷәара, – иҳәеит Қырҭтәыла апарламент ахантәаҩы Шьалуа Папуашвили.

Шьалуа Папуашвили иажәақәа рыла, аиҳабыра ашьақәырӷәӷәара процедурақәак рыла ишьақәгылоуп, аиҳабыратә программа зны акомитетқәа рҿы ирыхәаԥшроуп, уи ашьҭахь – апленартә аилатәараҿ.

„Апрограмма ахцәажәара мышқәак нагӡоит. Хықәкыс иҳамоуп иаауа амчыбжь азы аиҳабыра ҿыц аилазаашьа ашьақәырӷәӷәара. Саломе Зурабишвилигьы дықәгылароуп, арегламент ала, ааԥынтәи асессиа актәи амш аҽны ахада апарламент аҿы аҳасабырбала дықәгылароуп. Арҭ апроцессқәа зегьы иаауа амчыбжь азы ихыркәшахоит“, – иҳәеит Папуашвили.

Иаауа амчыбжь азы имҩаԥысуеит абиуро аилатәара, уа аиҳабыра алахәылацәа рықәгыларақәа рграфик шьақәдырӷәӷәоит.

„Хықәкыс иҳамоуп иаауа асессиатә амчыбжь азы аиҳабыра ҿыц аилазаашьа ашьақәырӷәӷәара“, – иҳәеит Қырҭтәыла апарламент ахантәаҩы.

Иацы Иракли Ӷарибашвили инапынҵақәа шьҭеиҵеит. Заанаҵтәи адыррақәа рыла, Иракли Кобахиӡе аԥыза-министрс дҟрҵоит, Иракли Ӷарибашвили апартиа ахантәаҩы иҭыԥ ааникылоит

Ажьырныҳәа 1 азы имҩаԥысуеит апартиа “Ақырҭуа гәахәтәы” аизара ду, уа аԥыза-министр ҿыц ихьӡ рҳәароуп.