Қырҭтәыла апарламент ахантәаҩы Шьалуа  Папуашвили  Британиа Ду апарламенттә делегациа алахәылацәа дырҧылеит,  аделегациа дахагылоуп Британиа Ду апарламентаҿ Қырҭтәыла азҵаарақәа рзы аус зуа апартиабжьаратә апарламенттә гәыҧ ахантәаҩы Џьонатан Џьанголи.

Аиҧылараҿы Қырҭтәылеи Британиа Дуи рстратегиатә еизыҟазаашьақәа ирылацәажәеит. Ишазгәаҭаз ала,  2023 шықәса актәи азбжазы иҳаракӡоу аҩаӡараҿ зҵакы дуу авизитқәа рацәа мҩаҧган.

Шьалуа  Папуашвили ашәарҭадара азҵаарақәа дырзааҭгылан, Британиа Ду анапхгара ҭабуп ҳәа реиҳәеит НАТО ашҟа аинтеграциа апроцессаҿ Қырҭтәыла адгыларазы. Џьонатан Џьанголи ишьақәирҕәҕәеит Британиа Ду Қырҭтәыла ахьыҧшымреи аҵакырадгьылтә акзаареи ишадгыло.

Аиҧылара анҵәамҭаз Шьалуа Папуашвили Џьонатан Џьанголи  аҭабуратә шәҟәы ииҭеит ақырҭуа-британиатәи еизыҟазаашьақәа рырҕәҕәараҿы иҟаиҵаз алагала ду азыҳәан.

Аинформациа аланарҵәеит Қырҭтәыла апарламент апресс-маҵзура.