«Агәра ганы сыҟоуп  Амир Охана ивизит ҳтәылақәа реизыҟазаашьақәа иаҳа рырҕәҕәра ишацхраауа», — иҳәеит Қырҭтәыла апарламент ахантәаҩы Шьалуа  Папуашвили  Израиль Кнессет ахантәаҩы Амир Оханеи иареи реиҧылара ашьҭахь имҩаҧгаз абрифинг аҿы.

«Ақырҭуааи ауриацәеи  26 ашәышықәсатәи аиҩызарала еидҳәалоуп, абарҭ аизыҟазаашьақәа роуп  Қырҭтәылеи Израили қәҿиарала русеицуразы ашьаҭа ҕәҕәа аҧызҵр.

Ҳара Израильтәи аҳәынҭқарра ҳаҭабууп Қырҭтәыла ахьыҧшымреи аҵакырадгьылтә акзаареи, импыҵахалоу арегионқәа рызхаҵамра аполитикеи азыҳәан, — иҳәеит  Папуашвили.

Иара иажәақәа рыла, аиҧылараҿы иззаҭгылаз азҵаарақәа иреиуп Қырҭтәылеи Израили рыбжьара  аекономикеи, атуризми, акультуреи, ашәарҭадареи, егьырҭ еиуеиҧшым аусхкқәеи рҿы аусеицуреи, апарламентқәа рыбжьара аусеицуреи.

Иара убас, аиҧылараҿы иазааҭгылеит арегионалтә шәарҭадара азҵаарагьы. Шьалуа Папуашвили Израили, инеизакны Ааигәатә Мрагылара арегиони аҭынчреи аҭышәынтәалареи рзеиҕьеишьеит.