«Амлашьра ала  аҳәынҭқарра изакәызаалак аӡбара адкылара  адцалара ҟалом, убри аҟынтә, ргәабзиара иазхәыцны амлашьра иаҟәыҵырц срыҳәеит», — иҳәеит апарламент ахантәаҩы Шьалуа Папуашвили амлашьра иалагаз «Амилаҭтә ҵысра» алахәылацәа аниба ашьҭахь.

Папуашвили иҳәамҭала, дара амлашьра азин рымоуп, аха, апарламентаҿ ҭынчразароуп, убри аҟынтә, дара апарламент аппарат аус ацыруроуп.

«Қырҭтәыла — азинтә ҳәынҭқарроуп, азҵаарақәа зегьы иӡбахоит азинтә процедурақәа инрықәыршәаны, убри аҟынтә, ашантаж алҵшәа ахылҵуам. Уи еиҳангьы, абри аҩыза аҭагылаашьаҿы Михаил Саакашвили апенитенциартә системеи аҳақьымцәеи аус рыцуразы мап икыр ауеит», — иҳәеит Шьалуа Папуашвили.

Ҧхынҷкәын 15 рзы  «Амилаҭтә ҵысра» адепутатцәа  Давиҭ Киркитаӡеи, Анна Цитлиӡеи,  Абдулла Исмаилови амлашьра иалагеит.