«Атәыла аиҳабыра мап шыркызгьы, атәыла ахада, уезгьы, визитла аҳәаанырцәҟа ддәықәлеит, уи хықәкыла Аконституциа аилагара ауп иаанаго», — иҳәеит Қырҭтәыла апарламент ахантәаҩы  Шьалуа  Папуашвили.

Иара иажәақәа рыла, атәыла ахада Аконституциа еилалгеит, убри аҟынтә, аимпичмент апроцедура алагара иазку  аӡбара рыдыркылеит.

Папуашвили иажәақәа рыла, Аконституциатә аӡбарҭа еилнаргароуп атәыла ахада Аконституциа еилалгоу еилалымгоу.

«Ари аус Аконституциатә аӡбарҭа  алагаларазы  50ҩык адепутатцәа рнапынҵақәа аҭахуп. Аӡбарҭа, мызкы иахымгакәа, ари азҵааразы аиуристтә  аихшьаала ҟаҵаны, апарламент адаргалароуп. Аконституциатә аӡбарҭа Аконституциа еилагоуп ҳәа ишьақәнаргылар,  апарламентаҿ аимпичмент азы абжьыҭира мҩаҧгахоит. Аоппозициаа ишырҳәаз ала, дара  изакәызаалак ганк адгылара ргәы иҭам. Аха, абжьыҭира мҩаҧгахоит, дара аӡбара адкылара рықәшәоит», — иҳәеит  Шьалуа Папуашвили.