Қырҭтәыла ахада Саломе Зурабишвили  Украина иҟоу Қырҭтәыла адипломатиатә миссиақәа рхаҭарнакцәа Ахьӡ-аҧша аорден раналшьеит.

Аҳамҭаҭара ацеремониа мҩаҧган Қырҭтәыла ахада ладминистрациаҿы.

Саломе Зурабишвили ақырҭуа дипломатцәа ҭабуп ҳәа раҳәаны,  ақәҿиарақәа рзеиҕьалшьеит.

«Иуадаҩӡоу аамҭазы,  Украинаҿ урыстәылатәи агрессиа аан,  шәара Украина иҟоу Қырҭтәыла ахаҭарнакра мацара акәымкәа,  Қырҭтәыла ахаҿсахьа шәыхьчеит.  Ҳтәыла еиҳау атәылақәа рацәа  рыцҳаражәҳәарҭақәа Украина ианалҵуаз,  Киевынтә Львовҟа ианиасуаз,  шәара шәҭыҧқәа рҿы аусура нашәыгӡон  ари атәыла иқәынхо ақырҭуаа,  ҳтәылауаа шәрыцхраарц азыҳәан.  Аҭагылазаашьа егьа ицәгьазаргьы,  шәара шәҭыҧқәа рҿы шәаанхоит,  уи алагьы иубарҭоуп Украинеи ҳареи ҳаизыҟазаашьақәа шыҕәҕәоу. Урыстәылатәи арбџьармчқәа Киев ианажәылозгьы,  шәара уааҵәҟьа ауаа шәрыцхраауан,  ахыҵәахырҭақәа рзеиқәшәыршәон. Абри зегьы ҳтәылақәа реиҩызареи реидгылареи аанарҧшуеит», — илҳәеит Саломе Зурабишвили.