Қырҭтәыла ахада Саломе Зурабишвили  Румынтәыла лофициалтә визит иалагеит.

Саломе Зурабишвили лҧылара аофициалтә церемониа мҩаҧган Бухаресттәи жәларбжьаратәи аҳаирбаҕәаза  «Генри Коанда» аҿы.

Жәларбжьаратәи аҳаирбаҕәаза  «Генри Коанда» аҿы атәыла ахада илҧылеит: Румынтәыла иҟоу Қырҭтәыла ацҳаражәҳәаҩ  Николоз Николозишвили, Адәныҟатәи аусқәа рминистрра аҳәынҭқарратә маӡаныҟәгаҩ Иулиан Фота,  Қырҭтәыла иҟоу Румынтәыла ацҳаражәҳәаҩ  Разван Ротунду.

Румынтәыла иҟоу Қырҭтәыла ацҳаражәҳәаҩ  Николоза Николозишвили иҳәамҭала,  ари авизит асимволтәи апрактикатәи аҵакы амоуп, избанзар, ишиҳәаз ала, атәылақәа рхадацәа  крызҵазкәа адокумент рнапы аҵарҩуеит  —  «Қырҭтәылеи Румынтәылеи рыбжьара астратегиатә еизыҟазаашьақәа рышьақәыргылара иазку» адекларациа.

Ари аинформациа аланарҵәеит Қырҭтәыла ахада ладминистрациа.