Қырҭтәыла ахада Саломе Зурабишвили Евроеидгыла Адәныҟатәи аимадарақәа рзы амаҵзура амаӡаныҟәгаҩ хада диацәажәеит Қырҭтәылеи Евроеидгылеи реизыҟазаашьақәеи арегионалтә шәарҭадара азҵаарақәеи  рзы.

Атәыла ахада лпресс-маҵзура адыррала, Орбелианиаа рханаҿ имҩаҧгаз аиҧылараҿы  атәыла ахада иаҵшьны иазгәалҭеит арегионаҿ аҭынчреи ашәарҭадареи аиқәыршәара аус аҿы Евроеидгыла инанагӡо ароль ду. Ишазгәаҭаз ала,  Евроеидгыла Анаҧшцәа Рмиссиа аусура арегион ашәарҭадаразы аҵакы ду амоуп.

Аганқәа рхаҭарнакцәа Украина имҩаҧысуа аибашьрагьы иазааҭгылеит. Атәыла ахада урыстәылатәи агрессиеи, аҭынчуааи аенергетикатә инфраструктуреи ажәылареи дақәыӡбит.

Евроеидгыла ахаҭарнак  импыҵахалоу аҵакырадгьылқәа рзы Қырҭтәыла аиҳабыра имҩаҧырго агуманитартә политика ибзианы дахцәажәеит.

Иара убас, иаҵшьны иазгәаҭан Қырҭтәылеи Евроеидгылеи еицынарыгӡо апроектқәа рҵакы. Аиҧылара алахәылацәа ишырҳәаз ала,   Евроеидгылаҟны аинфраструктуратәи аенергетикатәи проектқәа рынагӡара апроцессаҿ Қырҭтәыла ароли алшарақәеи азҳара иаҿуп.