Қырҭтәыла ахада Саломе Зурабишвили лҳәамҭала, атәылазы аҭоурыхтә ҵакы змоу аамҭазы Европарламент алахәылацәа рвизит аҵакы ду амоуп.

Атәыла ахада ишазгәалҭаз ала, атәыла европатәи аперспектива анашьара аҵакы ду амоуп, аха, уажәазы даҽакоуп ахадаратә ҵакы змоу –  Қырҭтәыла абжьагарақәа зегьы нанагӡар акандидат астатус ишаиуа азы аҳәамҭа аҟаҵара.

Саломе Зурабишвили ишазгәалҭаз ала, Европатәи ахеилак абжьагарақәа рынаӡаразы активла аусура алагара иаамҭоуп.

«Ари аусура Бриуссель иалагароуп, аиҳабыра ахаҭарнакцәа уахь инеины, детальқәаr еилыркаанӡа сыҧшуп. Апарламент аҿы аусура иалагароуп, убри азыҳәан изаамҭаным асессиа аасыҧхьеит, избанзар, фымз мацара анҳамоу, уажәыҵәҟьа аусура ҳаламгар ҟалом, сара уи сзеилкаауам, европатәи ҳҩызцәагьы уи рзеилымкаар ҟалап.  Апарламент аҿы аус еицаауроуп, ҳаззеиқәшаҳаҭу, ма еимактәыс иҳамоу еилаҳкаароуп, уи хаз-хазы иаҳзыҟаҵом.  Ари апроцесс азы аиҳабыра роуп аҭак зыҧхықәу, избанзар, ахархәагақәа зегьы рнапаҿы иҟоуп.  Иара убас, аконструктивтә оппозициагьы иҟазароуп», — илҳәеит  Саломе Зурабишвили.