Польшатәи аҳақьым абиологиатә аиуақәа иакәым мҩала аиура афакт ақәҿыҭра ада аанҳажьуам, иашьашәалоу ауснагӡатәқәа мҩаԥаагоит, – иҳәеит Қырҭтәыла Аиустициа аминистр Рати Брегаӡе Қырҭтәыла Актәи аканал адырраҭара “Зхы иақәиҭу агәаанагара” аҿы.

Брегаӡе иажәақәа рыла, польшатәи аган аҟынтә аофициалтә алкаа иоуит.

“Ҳара ари афакт аҭҵаара ҳалагоит, азинтә ахәшьараҭара ҟаҳҵоит, аха польшатәи аган аҟынтә аофициалтә алкаа ҳазыԥшуп, избан акәзар ари афакт ақәҿыҭра ада аанҳажьуам,” – иҳәеит Брегаӡе.

Ԥхынгәы 14 рзы Апенитенциартә маҵзура ҷыда Михеил Саакашвили иҟны польшатәи аҳақьымцәа рвизит иазкны аҳәамҭа аланарҵәеит. Аҳәамҭа аҿы ишану ала, авизит аан аҭыԥ аман аинцидентк –  польшатәи ҳақьымк Михеил Саакашвили иҟынтә иигаз аиуа ақьаад алаиҳәан, иеимаа иҭаҵаны маӡала уи агара иҭахын. Польшатәи аҳақьым Михеил Саакашвили иҟынтә аклиника “Вивамед” аҿы иигаз аиуа азҵаара иадҳәаланы Қырҭтәыла иҟоу Польша ацҳаражәҳәаҩ инапынҵақәа рынагӡаҩ Адәныҟатәи аусқәа рминистрра ахаҭарнакцәа иԥылеит.