Аиустициа аминистрра адыррала, Қырҭтәылеи Германтәылеи аиустициа аминистрцәа аусеицура аформат ҿыц азы еиқәшаҳаҭхеит. Аганқәа рхаҭарнакцәа еиҧылеит Прага имҩаҧысуа аиустициа аминистрцәа рконференциа аҳәаақәа ирҭагӡаны.

Аусбарҭа адыррала, Германтәылеи Қырҭтәылеи рыбжьара аусеицура иаҳа иҭбаахоит ҳаамҭазтәи апенитенциартәи апробациатәи система анапхгараҭареи аиҿкаареи ахырхарҭала; апенитенциартә системеи апробациа асистемеи рҿы аиҭашьақәыргыларатә программақәа нагӡахоит; ақырҭуа аган аиувеналтә иустициа аусхкы аҿы германтәылатәи аҧышәа рхы иадырхәоит; анемец експертцәа Қырҭтәыла азакәанҧҵара Евроеидгыла азакәанҧҵара азааигәахара апроцесс рхы аладырҳәоит.

Германтәыла аиустициа аминистр ақырҭуа иколлега Рати Брегаӡе аофициалтә визитла Берлинҟа днаиҧхьеит.

Аиустициа аминистр Рати Брегаӡе Прага, Евроеидгыла атәылақәа рминистрцәа реиҧылара далахәып.